பொங்கலோ பொங்கல்!

By -

 பொங்கலோ பொங்கல்!
 வெங்கலத்தினாலேயே   ஆயிருந்தபோதிலும்
 விண்கலத்தை அடைந்ததென்ற இன்பம்தரும்
 பொங்கலோ பொங்கல்!
 மண்கலத்தில்  வெல்லச்சோறு வெந்திருந்தபோதிலும்
 செம்பொன்கலத்தில்  பெற்றதென்ற மாறுதரும்
 பொங்கலோ பொங்கல்!
 மஞ்சளிட்ட  மங்கையர்தன் , மன்னவர்தம் கரம்பிடித்து
 சூரியர்தம்  கதிர் கண்டு,  போரடித்த கதிர் கொண்டுதரும்
 பொங்கலோ பொங்கல்!
 அரும்புமீசை ஆண்களும், குறும்புமிக்க  பெண்களும்
 விரும்பியேகி. இன்றுமட்டும்,  கரும்பு தின்னும்  அழகைத்தரும்
 பொங்கலோ பொங்கல்!
 காலையெல்லாம் களித்திருந்தும்,  மதியம் ஒரு பெருவிருந்தும்,
 மாலை சாயும்  வேளையிலே, வாழ்த்து சொல்லும்
 இங்கே ஒரு கவி-தைப்-பொங்கலோ பொங்கல்!

--
சின்னப்பயல் சீனன்

Comments

Post a Comment

Popular posts from this blog

வழி மறைத்திருக்குதே

By -
சென்ற வாரம் சனிக்கிழமை கோயில் சென்றிருந்தோம் - ஸ்ரீ லக்ஷ்மியை தரிசிக்க. - இங்கிருந்து ஒரு மணி நேரம். இந்தியாவில் கோயிலுக்கு செல்லலாம் என்றால் "கோயில் சென்றால் தான் பக்தியா?" என்பான் என் நண்பன். "இறைவன் தூணிலும் இருக்கிறான் துரும்பிலும் இருக்கிறான்" - என்பான். அதை நான் மறந்திருக்க வாய்ப்பில்லை. பிள்ளைக்கு பிரகலாத் என்றல்லவா நாங்கள் பெயரிடடிருக்கிறோம்?. கல்லூரியில் படிக்கும் போது, வளாகத்திற்குள் இருந்த பிர்லா சரஸ்வதி கோயிலுக்கு போவதுண்டு - சரஸ்வதி தேவி ஒரு பக்கம் இருப்பினும் - கோயிலின் கட்டுமானத்தையும் அழகையும் பார்த்து ரசிக்க மட்டுமே நேரம் போதாது. நான் சாதாரண கல்லூரி மாணவனில்லை போலும் - எனக்கு தெரிந்த மட்டும் லக்ஷ்மி தேவியியை தரிசிப்பதை விட கோயிலுக்கு வரும் மற்ற வேறு பல தேவியரை தரிசிக்க வந்த கூட்டம் அதிகம். இருந்தாலும் கொஞ்சம் புண்ணியம் அவர்களை சென்றடைந்திருக்கும் என்பதில் எனக்கு சந்தேகமில்லை. தன்னை அறியாமல் நேரத்தை போக்க வில்வ இலைகளை கிள்ளி எறிந்து ஈசனின் அருளை பெற்ற நாயனாரின் சரித்திரம் ஒரு சான்று. (http://www.dlshq.org/download/nayanar...
Read more

கண்ணனால் பாட்டு பிறந்தது

By -
பாரதி போன்றவர்கள்  இந்த உலகில் வந்து சென்றபின் என்போன்றோரும் கவிதை என்ற பேரில்  கண்றாவிகளை இணையதளங்களில் இட்டு உங்களை வேதனைபடுத்திட இன்றும் உலவுகின்றனர்.  :-).  போனால் போகிறதென்று நீங்களும் கிளிக் செய்து துர்வசத்தினால் வந்தடைந்து விட்டீர்.  படித்து விட்டு போவதில் இன்னும் பாவம் சேரப்போவதில்லை. காலை அலுவலகப்பயணம். சாலைகளில் நெரிசல். ஒன்றும் புதிதல்ல. கன்னடத்தில் ஆல்-இந்திய-வானொலியில் கிராமியப்பாடல். வேறு என்ன செய்வதென்று தவித்த வேளையில், தோன்றிய வார்த்தைகள்.  பல காலமாக கேட்டனுபவிட்ட பஜனைகளின் உள்தாக்கம் ! முதலில் முதல் வரி கண்ணா வா கண்ணா வா, கண்ணே ஓடி வா !! கண்டிப்பாக இரண்டாம் வரி  எதுகையுடன் இருக்க வேண்டாமா?  அப்போ, கண்டிப்பாக  எண் , பெண்  போன்ற வார்த்தைகள் தான் அமைக்க வேண்டும். ஹ்ம்ம் ... இரண்டாம் வரி இப்படி கண்மணியே  கண்ணா கண்ணா ஓடி வா !! ஹ்ம்ம் தாளத்தில்  உட்காரவில்லை இன்னும் இரண்டு மூன்று பதங்கள் தேவை.! கண்ணின் மணியே கண்ணே நீ கண்ணா ஓடிவா  அட. பரவாயில்லையே! வாகனம் நாடு ரோட்டில், ஜன்னல்கள் அடைக்கப் பட்டி...
Read more

அடக்கியதும் அடங்கியதும்

By -
Image
 அடக்கியதும் அடங்கியதும் ஒரு நாள் அலுவலகத்திலிருந்து பல சந்திப்புகளுக்குப்  பிறகு இரவில் மீண்டும் வீடு திரும்பிக்கொண்டிருந்த சமயம் ... ஆம் அது  நிகழ்ந்தது - இவ்வாறு நடந்ததேயில்லை - அடக்கமுடியாத நிலைமை - எந்த நிமிஷமும் இதோ பீறிட்டுக்கொண்டு வந்துவிடும் என்று தோன்றியது - வாகனம் செலுத்தும்போதே செய்துவிடலாமா என்றெண்ணினேன்- மனைவி தூங்கியிருக்கமாட்டாள் - வீடு சீக்கிரம் சென்றடைய வேண்டும்  - கவனம் கலைந்துவிட்டால் என்ன செய்வதென்று தவித்தேன் சிறிது - ரோட்டிலேயே காரை   நிறுத்தி சாந்த படுத்திக்கொள்ளலாமா என்றெண்ணினேன் - மற்றவர் பார்க்க  பார்க்க  செய்ய தைரியமும் இல்லை -  காரில் குளிர் சாதனம் வேறு வேலை செய்யாததனால் ஜன்னல்களை வேறு திறந்துவைத்திருந்தேன் - இது சௌகரியமோ?  மற்றவர் கவனித்து விட்டால் என்ன செய்வது? பரவாயில்லை இரவு நேரம் தானே - நள்ளிரவிற்கு வெகு தூரமில்லை - தவிர இது என் வாகனம் - இங்கிருந்து நான் என்ன வேண்டுமானாலும் செய்யலாம் ... முடிவு செய்து மற்றவர்களை பற்றி கவலையில்லாமல் - லாவகமாக முனைந்தேன் .... நிஜம்தான்  செய்தேவிட்டேன் - நம்பமாடீர்கள்...
Read more